Përfaqësues nga Agjencia për Mbështetjen e Shoqërisë Civile morën pjesë në takimin  e Ekipit Tematik për Monitorimin e Strategjisë së Mbrojtjes së Viktimave të Krimit

Më datë 12 nëntor 2025, në ambientet e Minsitrisë së Drejtësisë u zhvillua: Takimi i Ekipit Tematik për Monitorimin e Strategjisë së Mbrojtjes së Viktimave të Krimit, për periudhën janar–qershor 2025.

Zëvendësministrja  e Minsitrisë së Drejtësisë, znj. Elona Hoxha vlerësoi kontributin e çdo institucioni pjesëmarrës dhe angazhimin e përbashkët në zbatimin e Strategjisë, duke theksuar rëndësinë e bashkëpunimit të mëtejshëm lidhur me këtë fushë me ndjeshmëri të lartë për shoqërinë.

Gjatë takimit, u prezantua draft-raporti i monitorimit për gjashtëmujorin e parë të vitit ku u analizua ecuria e zbatimit të masave të parashikuara në Strategji, si dhe evidentuan sfidat, rezultatet dhe prioritetet për periudhën e ardhshme; forcimin e bashkëpunimit ndërinstitucional dhe identifikimin e fushave ku kërkohen ndërhyrje të mëtejshme për garantimin e mbrojtjes efektive të viktimave të krimit.