Shpallet thirrja për projekte pilote në lidhje me nismën më të fundit të ndërmarrë nga Komisioni Evropian, IMPACT, e cila ka për qëllim promovimin e nismave ndërkufitare-komunitare (Community-Led Local Development Initiatives). Nisma IMPACT, financohet nga Komisioni Evropian dhe zbatohet nga OECD dhe IPA Adrion. Momentalisht, thirrja për projekte pilote është e hapur deri më 10 prill 2026.
Projekti IMPACT, i cili pritet të zbatohet në vitin 2026 dhe 2027, synon të forcojë zhvillimin lokal me bazë komunitare në territoret ndërkufitare në të gjithë BE-në, dhe gjithashtu me vendet fqinje. Konkretisht objektivat kryesore të projektit janë:
(1) Mbështetja e territoreve pilote ndërkufitare (deri në 30) në krijimin ose forcimin e partneriteteve qeverisëse dhe miratimin e strategjive të përbashkëta të zhvillimit lokal-komunitar; dhe
(2) Krijimi i kushteve për mbështetje të qendrueshme nga programet Interreg për zhvillimin ndërkufitar të udhëhequr nga komuniteti lokal.
Territoret ndërkufitare pilote që mund të përfitojnë nga projektet e nismës IMPACT janë 27 shtetet anëtare të BE-së, Shqipëria, Bosnja dhe Hercegovina, Kosova, Moldavia, Mali i Zi, Maqedonia e Veriut, Serbia, Turqia dhe Ukraina, si dhe Andorra, Lihtenshtajni, Norvegjia dhe Zvicra.
Thirrja është e hapur për institucione dhe organizata rajonale dhe lokale me një entitet juridik të vendosur në një rajon kufitar. Entitetet që mund të aplikojnë përfshijnë:
- Qeverinë lokale
- Grupet Lokale të Veprimit (Local Action Groups – LAGs)
- Grupet Lokale të Veprimit të Peshkimit (Fisheries Local Action Groups – FLAGs)
- Grupimet Evropiane të Bashkëpunimit Territorial (European Grouping of Territorial Cooperation – EGTC)
- Euro-rajonet
- Zyrat e turizmit; dhe
- OJQ-të.
Informacion kyç për thirrjen mund të gjeni në linqet e mëposhtme:
Ndërkohë ju bëjmë me dije se me datë 24 shkurt ora 14:00 do të mbahet një webinar informues për nismën me përfaqësues nga OECD dhe DG REGIO. Regjistrimin mund ta bëni në linkun e mëposhtëm:
Registration for an informational webinar on 24 February