Po ndodh

Përfaqësues të Agjencisë për Mbështetjen e Shoqërisë Civile janë pjesë e takimit që po organizohet në kuadër të “Dialogu Ministerial për Qeverisje të Hapur_“Fuqizimi i Qeverisjes së Hapur: Takimi i OGP për Ballkanin Perëndimor 2024”.

Ky takim është një ngjarje e rëndësishme që mbledh së bashku përfaqësues të qeverive, parlamenteve, shoqërisë civile, botës akademike, nga Ballkani Perëndimor dhe më gjerë. Eventi organizohet nga Qeveria e Shqipërisë në bashkëpunim me OGP dhe ReSPA.

Dialogu Ministerial është një mundësi për të formësuar të ardhmen e qeverisjes së hapur në rajon, për të ndarë praktikat më të mira dhe për të eksploruar mundësi të reja për bashkëpunim. Takimi i këtij viti fokusohet në prioritete kyçe si lufta kundër korrupsionit, qeverisja dixhitale dhe hapësira qytetare—të gjitha në përputhje me strategjinë e re globale të guximshme të OGP për vitet 2023-2028. Gjithashtu, do të trajtojmë Sfidat për Qeverisje të Hapur, duke ftuar të gjithë anëtarët e OGP të vendosin standarde të reja për reforma ambicioze.