Agjencia për Mbështetjen e Shoqërisë Civile në rolin e Sekretariatit Teknik të Këshillit Kombëtar të Shoqërisë Civile, nis proçesin e përzgjedhjes së 8 (tetë) vakancave të krijuara për anëtarët e Shoqërisë Civile në KKSHC.
Vakancë e krijuar për shkak të përfundimit të mandateve :
- 2 (dy) anëtarë – Fusha e veprimit A. Demokratizimi, sundimi i ligjit, të drejtat e njeriut dhe integrimi në BE;
- 2 (dy) anëtarë – Fusha e veprimit B. Zhvillimi ekonomik, territorial dhe mjedisor;
- 4 (katër) anëtarë – Fusha e veprimit C. Përmirësimi i mirëqenies, shërbimeve sociale, mbrojtjes së shëndetit dhe përmirësimi i cilësisë së jetës;
Ftojmë gjithë të interesuarit të dorëzojnë aplikimet e tyre duke filluar nga data 2 Mars – 6 Prill 2026.
KRITERET PËR KANDIDATËT DHE DOKUMENTACIONET MBËSHTETËSE:
- Dokumentet që duhen dorëzuar nga organizatat që nominojnë kandidatët:
- Formulari i Aplikimit, i publikuar nga AMSHC
- Kopje e dokumentit të regjistrimit në Gjykatë
- Konfirmim nga zyra e e tatimeve që organizata e ka statusin “aktiv”
- Kriteret që duhen përmbushur nga kandidatët për KKSHC:
- Të ketë të paktën 3 (tre) vjet eksperiencë në rol drejtues në organizata të shoqërisë civile në fushën ku kandidon
- Të mos ketë role koordinuese ose drejtuese në organizata politike ose parti politike
- Dokumentet që duhen dorëzuar nga të nominuarit:
- Jetëshkrimi (CV – Curriculum Vitae);
- Letër motivimi nga kandidati për të shpjeguar kontributin që mund të japë pranë KKSHC-së
- Letër konfirmuese nga organizata e shoqërisë civile se kandidati ka të paktën 3 (tre) vite eksperiencë në fushën ku kandidon;
- Pesë letra mbështetëse nga organizata të tjera të cilat mbështesin kandidatin
Shkarkoni ju lutem formularin e aplikimit sipas formatit:
Shënim: Një organizatë e shoqërisë civile mund të propozojë vetëm një kandidat nga të dy fushat e veprimit të referuara më sipër. Formulari i plotësuar së bashku me të gjithë dokumentacionin mbështetës, të listuar në Thirrjen Publike për Shprehje interesi duhet të dërgohen elektronikisht me e-mail në kkshc@amshc.gov.al me referencë të saktë të subjektit: “Propozim Kandidature për KKSHC” ose me postë në adresën AMSHC: Rr. Frosina Plaku, Nr. 58 Tiranë, Shqipëri