Agjencia për Mbështetjen e Shoqërisë Civile

Publikuar në 13/05/2025

THIRRJE NR. 18 PËR PROJEKT-PROPOZIME

PERIUDHA KOHORE E APLIKIMEVE (13/05/2025 deri 13/06/2025)

AGJENCIA PËR MBËSHTETJEN E SHOQËRISË CIVILE (AMSHC), në kuadrin e konkurrimit të hapur dhe transparent sipas kushteve dhe kritereve të përcaktuara në nenet 8, 21, 22, 23, të Ligjit Nr. 10 093, datë 09.03.2009 “Për organizimin dhe funksionimin e Agjencisë për Mbështetjen e Shoqërisë Civile”, në nenet 5, 10, të VKM-së 769/2009 “Për miratimin e statutit të Agjencisë për Mbështetjen e Shoqërisë Civile”, e ndryshuar, Vendimit 02 të Bordit Mbikqyrës të datës 14/04/2025 dhe akteve nënligjore në zbatim të legjislacionit në fuqi, në përputhje me fushën e saj të veprimtarisë, SHPALL këtë Thirrje për shprehje interesi për aplikime nga ana e OJF-ve që operojnë në Republikën e Shqipërisë.

Për të gjitha OJF-të e interesuara që përmbushin kriteret ligjore, jeni të lutur të depozitoni aplikimet tuaja për projekt-propozime sipas fushave prioritare (bashkangjitur) dhe duke depozituar dokumentacionin si më poshtë:

Cilat janë përparësitë /prioritete për të cilat mund të aplikoni?

(I) FUSHAT MBI PËRPARËSITË/PRIORITETET TË PROJEKT-PROPOZIMEVE:

1. QEVERISJA E MIRË DHE ANTIKORRUPSIONI

Qëllimi: Rritja e transparencës, llogaridhënies dhe pjesemarrjes qytetare në proçeset demokratike.
Prioritete:

Trajnime dhe fushata për edukim ligjor dhe angazhim qytetar.
Projekte për rritjen e integritetit dhe luftës ndaj korrupsionit në nivel lokal dhe qëndror.

2. PËRFSHIRJE SOCIALE, TË DREJTAT E NJERIUT DHE FUQIZIMI I GRUPEVE TE MARGJINALIZUARA

Qëllimi: Promovimi i barazisë, mbrojtjes sociale dhe përfshirjes së grupeve te pambrojtura.
Prioritete:

Projekte për gra, minoritete dhe persona me aftësi të kufizuara.
Aktivitet sportive dhe kulturore për përfshirje sociale.
Fushata për të drejtat e njeriut dhe barazinë gjinore.

3.ZHVILLIMI EKONOMIK, PUNESIMI DHE INOVACIONI

Qëllimi: Fuqizimi ekonomik i komuniteteve dhe rritja e punësimit nëpërmjet inovacionit dhe arsimit.
Prioritete:

Trajnime profesionale për gra dhe të rinj.
Projekte zhvillimi turizmi dhe agrobiznesi.
Kurse edukimi digjital për grupet e margjinalizuara në zonat më pak të zhvilluara.

4.MBROJTJA E MJEDISIT DHE TRANZICIONI I GJELBËR

Qëllimi Rritja e angazhimit komunitar për ruajtjen e mjedisit dhe zhvillimin e qëndrueshëm.
Prioritete:

Fushata mbi ndryshimet klimatike dhe energjitë e rinovueshme.
Projekte për ruajtjen e biodiversitetit dhe bujqësi e qendrueshme.
Edukim mjedisor dhe aktivizim qytetar.

5.KULTURA, ARSIMI, SHENDETI DHE TRASHËGIMIA

Qëllimi: Nxitja e edukimit, kultures dhe shendetit publik si mjete per zhvillim dhe kohezion social.
Prioritete:

Promovimi i kultures dhe trashëgimise kulturore.
Fushata ndergjegjesimi per shendetin mendor dhe publik.
Aktivitet edukative dhe sportive per te rinj dhe femije.

Sjellim në vëmendjen tuaj se:

Në përputhje me legjislacionin në fuqi dhe aktet nënligjore që dalin për zbatim të tij për strategji të ndryshme qeveritare, do të konsiderohen me prioritet të gjitha ato projekt-propozime, të cilat kanë në fokus tregues që janë shtylla në Strategjitë e miratuara nga qeveria.

Cila është shuma maksimale e financimit dhe kohëzgjatja minimale dhe maksimale e projekt-propozimeve?

Shuma maksimale e financimit me grant për projekt-propozim është deri në 2 (dy) milionë Lek dhe kohëzgjatja 6 – 12 muaj.

Cilat janë dokumentat që duhet të depozitoni për t’u bërë pjesë e aplikimeve?

(II) LISTA E DOKUMENTACIONIT SHOQËRUES TË PROJEKT-PROPOZIMEVE:

Formulari i plotësuar i aplikimit,i vulosur dhe i nënshkruar nga përfaqësuesi ligjor i Organizatës (Formulari duhet firmosur dhe vulosur në çdo faqe);
Vendim i Gjykatës së Rrethit Gjyqësor Tiranë për themelimin e OJF-së origjinal ose kopje të njësuar me origjinalin brënda tre mujorit të fundit referuar datës së mbylljes së aplikimeve; Nëse OJF ka pësuar ndryshime duhet të depozitohen dhe ndryshimet e bëra;
Statutin e OJF-së origjinal ose kopje të njësuar me origjinalin brenda tre mujorit të fundit referuar datës së mbylljes së aplikimeve; Nëse OJF ka pësuar ndryshime duhet të depozitohen dhe ndryshimet e bëra;

Ekstrakti i Gjykatës/Vërtetim (i cili merret në Zyrën e Regjistrimit të OJF-ve, pranë Gjykatës së Qarkut, Tiranë)- origjinal brenda 3-mujorit referuar datës së mbylljes së afatit të aplikimit;

Dokument origjinal që vërteton se kandidati nuk ka detyrime tatimore lëshuar nga organet tatimore (lloji i dokumentit “Vërtetim për Pagim Detyrimesh”);
Dokument origjinal që vërteton se kandidati nuk ka detyrime pranë pushtetit vendor (lloji i dokumentit “Vërtetim për likujdimin e detyrimeve vendore”);
Çertifikatë regjistrimi (NIPT) origjinal ose kopje të njësuar me origjinalin brenda 3-mujorit referuar datës së mbylljes së afatit të aplikimit;
Vërtetim për numrin e llogarisë lëshuar nga bankë e nivelit të dytë brenda tre mujorit të fundit referuar datës së mbylljes së aplikimeve;
Licensë/Leje për ushtrim veprimtarie origjinal ose fotokopje e noterizuar brënda tre mujorit të fundit referuar datës së mbylljes së aplikimeve. Vetëm në rastet kur aktiviteti/ veprimtarite e kërkuara për t’u financuar nuk mund të kryhen, sipas ligjit, pa zotëruar një licensë të akorduar nga autoritetet publike;

CV të Organizatës (të firmosur dhe vulosur nga përfaqësuesi ligjor i OJF-së në çdo faqe);
Deklaratë/Marrëveshje Partneriteti (origjinale ose fotokopje të noterizuar, në rast se ka partneritet në këtë projekt-propozim);

Deklaratë për autorësinë e projekt-propozimit e firmosur dhe vulosur nga përfaqësuesi ligjor;
Deklaratë e konfliktit të interesit e firmosur dhe vulosur nga përfaqësuesi ligjor;
Deklaratë mbi origjinalitetin dhe vërtetësinë e dokumentacionit e firmosur dhe vulosur nga përfaqësuesi ligjor;
Deklaratë e financimit ose jo nga institucione të tjetra shtetërore e firmosur dhe vulosur nga përfaqësuesi ligjor;
Prokurë të posaçme në rastet kur aplikanti nuk është i njëjtë me përfaqësuesin ligjor të aplikuesit;
Dokumentacion i nevojshëm (relacione, referenca), të cilat kërkohen nga AMSHC apo organet e tij në shqyrtimin e projekt-propozimit;

SHËNIM: Bordit Mbikqyrës në çdo rast i lind e drejta referuar natyrës të projekt-propozimit të kërkojë dokumentacion shtesë të paparashikuar më sipër dhe në përputhje me legjislacionin në fuqi.

!VËMENDJE: Dokumentacioni i aplikimit duhet të jetë vetëm në Gjuhën Shqipe dhe të ketë formatin e kërkuar nga AMSHC. Rikujtojmë se nëse të paktën një nga dokumentat nuk do të depozitohet në formën e kërkuar do të përbëjë automatikisht kusht për s’kualifikim.

Për pyetje apo paqartësi në lidhje me këtë thirrje për projekt-propozime, ju lutemi na shkruani në adresën e e-mail: info@amshc.gov.al

Cila është mënyra e aplikimit?

OJF-të janë të lutura, të sjellin aplikimin e tyre me dokumentat shoqëruese së bashku me projekt-propozimin vetëm ME POSTË (merret në konsideratë data dhe ora e dorëzimit të aplikimit në postë), në adresën zyrtare të AMSHC-së: Rruga “Frosina Plaku”, Nr. 58, Godina e Observatorit, Kati II, Tiranë.

Gjithashtu përpara mbylljes së afatit të aplikimeve duhet të depozitoni në format elektronik formularin e aplikimit dhe një ekstrakt (përmbledhje) të projekt-propozimit në formatin Word në adresën e-mail: info@amshc.gov.al, me subject “Aplikim Thirrja 18”.